สวเนน ปิโย เมสิ ภิยฺโย จาคมฺม ทสฺสนํ

เอวํ ปิยทสฺสโน สมาโน วส หํส มม สนฺติเกติ ฯ

ตาสํ อตฺโถ สมฺม หํสราช สวเนน เอกจฺเจ ปิยา โหนฺติ เอวํคุโณ นามาติ สุตฺวา สวเนน ปิยายติ เอกสฺส ปเนกจฺเจ ทิสฺวาว ฉนฺโท วิคจฺฉติ เปมํ อนฺตรธายติ ขาทิตุํ อาคตา ยกฺขา วิย อุปฏฺฐหนฺติ เอกสฺส เอกจฺเจ ทิสฺวา จ สุตฺวา จ อุภยญฺจาปิ ปิยา โหนฺติ เตน ตํ ปุจฺฉามิ กจฺจิ นุโข เม ปิยสิ ทสฺสเนนาติ กจฺจิ นุโข มํ ปิยายสิ มยฺหํ ปน ตฺวํ สวเนน ปิโยว ทสฺสนํ ปนาคมฺม อติปิโยว เอวํ มม ปิยทสฺสโน สมาโน จิตฺตกูฏํ อคนฺตฺวา อิธ มม สนฺติเก วสาติ ฯ

โพธิสตฺโต อาห