อปเรปิ พาราณสีวาสิโน โคปาลกา ผลิตํ ตาลรุกฺขํ ทิสฺวา เอกํ ผลตฺถาย รุกฺขํ อาโรเปสุํ ฯ ตสฺมึ ผลานิ ปาเตนฺเต เอโก กณฺหสปฺโป วมฺมิกา นิกฺขมิตฺวา ตาลรุกฺขํ อภิรูหิ ฯ เหฏฺฐา ฐิตา ทณฺฑาทีหิ ปหรนฺตาปิ ตํ นิวาเรตุํ นาสกฺขึสุ ฯ เต สปฺโป ตาลํ อภิรูหตีติ อิตรสฺส อาจิกฺขึสุ ฯ โส ภีโต มหารวํ รวิ ฯ เหฏฺฐา ฐิตา เอกํ ถิรสาฏกํ จตูสุ กณฺเณสุ คเหตฺวา อิมสฺมึ สาฏเกปติตาติ อาหํสุ ฯ โส ปริคลนฺโต จตุนฺนํปิ อนฺตเร สาฏกมชฺเฌ ปติ ฯ ตสฺส ปาตนเวเคน เต สณฺฐาเรตุํ อสกฺโกนฺตา อญฺญมญฺญํ สีเสน ปหริตฺวา ภินฺเนหิ สีเสหิ ชีวิตกฺขยํ ปตฺตา ฯ อิทํ การณํ ทสฺเสนฺโต ปญฺจมํ คาถมาห

จตุโร ชนา โปฏฺฐกํ อคฺคเหสุํ

เอกญฺจ โปสํ อนุรกฺขมานา

สพฺเพว เต ภินฺนสิรา สยึสุ