กสฺสีธ จิตฺตสฺส วเส น วตฺตตีติ ฯ

ตตฺถ สุปริวชฺชยาถาติ มหาราช นินฺทา นาม สุเขน ปริวชฺเชตุํ น สกฺกา ฯ นานา ชนาติ นานา ฉนฺทชนา ฯ เยเนวาติ เยน สีลาทิคุเณน เอโก ปสํสํ ลภฺติ เตเนว อญฺโญ นินฺทิตารํ ลภติ อมฺหากํ หิ กินฺนรานํ อนฺตเร กถเนน ปสํสํ ลภติ มนุสฺสานํ อนฺตเร อกถเนน นินฺทํ อิติ นินฺทานาม ทุปริวชฺชนียา สฺวาหํ กถํ ตว สนฺติกา ปสํสํ ลภิสฺสามีติ ฯ สพฺโพ โลโก ปรจิตฺเตน อติจิตฺโตติ มหาราช อสปฺปุริโส หิ ปาณาติปาตาทิจิตฺเตน สปฺปุริโส ปาณาติปาตาเวรมณีอาทิจิตฺเตน อติจิตฺโตติ เอวํ สพฺโพ โลโก ปรจิตฺเตน อติจิตฺโตติ อตฺโถ ฯ จิตฺตวาสมฺหิ จิตฺเตติ สพฺโพ โลโก ปน อตฺตโน หีเนน วา ปณีเตน วา จิตฺเตน จิตฺตวานามเยว ฯ ปจฺเจกจิตฺตาติ ปาฏิเยกจิตฺตา ปุถุปฺปเภทา สพฺเพ สตฺตา เตสุ กสฺเสกสฺส ตว วา อญฺญสฺส วา จิตฺเต น กินฺนรี วา มาทิโส วา อญฺโญ วา วตฺเตยฺย ตสฺมา อยํ มม จิตฺตวเส น วตฺตตีติ มา มยฺหํ กุชฺฌิ สพฺเพ สตฺตา หิ อตฺตโน จิตฺตวเส น คจฺฉนฺติ เทวาติ กึปุริโส รญฺโญ ธมฺมํ เทเสติ ฯ

ราชา สภาวเมว เอส กเถติ ปณฺฑิโต กินฺนโรติ โสมนสฺสปฺปตฺโต หุตฺวา โอสานคาถมาห

ตุณฺหี อหุ กึปุริโส อภาณิโส