โส เต ตํ มิคมกฺขามิ อหนฺเต มิคมุตฺตมนฺติ ฯ

ตํ สุตฺวา ราชา ตสฺส มิตฺตทุพฺภิสฺส ตุสิตฺวา อมฺโภ กุหึ มิโค วสตีติ ปุจฺฉิตฺวา อสุกฏฺฐาเนนาม เทวาติ วุตฺเต ตเมว มคฺคุทฺเทสํ กตฺวา มหนฺเตน ปริวาเรน ตํ ฐานํ อคมาสิ ฯ อถ นํ โส มิตฺตทุพฺภิ เสนํ เทว สนฺนิสีทาเปหีติ สนฺนิสินฺนาย เสนาย เอหีติ วตฺวา เอโส เทว สุวณฺณมิโค เอตสฺมึ ฐาเน วสตีติ หตฺถํ ปสาเรตฺวา อาจิกฺขนฺโต ตติยํ คาถมาห

เอตสฺมึ วนสณฺฑสฺมึ อมฺพา สาลา จ ปุปฺผิตา

อินฺทโคปกสญฺฉนฺนา เอตฺเถโส ติฏฺฐติ มิโคติ ฯ