ตตฺถ อปิ ภีรุเกติ อติภีรุกชาติเก ฯ ตาลิสตคฺครโภชนาติ ตฺวํ ตาลิสปตฺตตคฺครปตฺตโภชนา มิคี อญฺเญ ตํ มิคา รมิสฺสนฺติ น ตฺวํ ราชกุเล รหา คจฺฉาติ นํ อวจ ฯ

วตฺวา จปน นิรเปกฺโข หุตฺวา ปกฺกามิ ฯ สา ตสฺส คตภาวํ ญตฺวา โอรุยฺห มหาสตฺตํ อาลิงฺคิตฺวา ปพฺพตมตฺถกํ อาโรเปตฺวา ปพฺพตตเล นิปชฺชาเปตฺวา สีสมสฺส อตฺตโน อุรูสุ ฐเปตฺวา พลวปริเทวํ ปริเทวมานา ทฺวาทส คาถา อภาสิ

เต ปพฺพตา ตา จ กณฺฑรา ตา จ คิริคุหาโย

ตตฺถ ตํ อปสฺสนฺตี กึปุริส กถํ อหํ กาสํ ฯ