อถสฺส ลุทฺทโก อฏฺฏเก นิสินฺโนว สตฺตึ ขิปิตฺวา คจฺฉ วิรทฺโธทานิมฺหิ ตนฺติ อาห ฯ โพธิสตฺโต นิวตฺติตฺวา ฐิโตว อาห อมฺโภ ปุริส อิทานิปิ กิญฺจาปิ มํ วิรทฺโธ อฏฺฐ ปน มหานิรเย โสฬส อุสฺสทนิรเย ปญฺจวิธพนฺธนาทีนิ จ กมฺมกรณานิ อวิรทฺโธเยวาสีติ ฯ เอวญฺจ ปน วตฺวา ยถารุจึ คโต ฯ ลุทฺโทปิ โอตริตฺวา ยถารุจึ คโต ฯ

สตฺถาปิ น ภิกฺขเว เทวทตฺโต อิทาเนว มม วธาย ปริสกฺกติ ปุพฺเพปิ ปริสกฺกติเยว น จ ปน มํ วธิตุํ อสกฺขีติ อิมํ ธมฺมเทสนํ อาหริตฺวา อนุสนฺธึ ฆเฏตฺวา ชาตกํ สโมธาเนสิ ตทา อฏฺฏกลุทฺทโก เทวทตฺโต อโหสิ กุรุงฺคมิโค ปน อหเมวาติ ฯ

กุรุงฺคมิคชาตกํ ปฐมํ ฯ