สตฺถา เอวํ ภิกฺขเว ปุพฺเพ ปณฺฑิตา อนายตเนปิ วิริยํ อกํสุ เอวรูปํ ปหารํ ลทฺธาปิ น โอสฺสชฺชึสุ ตฺวํ ปน เอวรูเป นิยฺยานิกสาสเน ปพฺพชิตฺวา กสฺมา วิริยํ โอสฺสชฺชสีติ วตฺวา จตฺตาริ สจฺจานิ ปกาเสสิ ฯ สจฺจปริโยสาเน โอสฺสฏฺฐวิริโย ภิกฺขุ อรหตฺตผเล ปติฏฺฐาสิ ฯ สตฺถาปิ อิมํ ธมฺมเทสนํ อาหริตฺวา อนุสนฺธึ ฆเฏตฺวา ชาตกํ สโมธาเนสิ ตทา ราชา อานนฺโท อโหสิ อสฺสาโรโห สารีปุตฺโต โภชาชานียสินฺธโว ปน อหเมว อโหสีติ ฯ

โภชาชานียชาตกํ ตติยํ ฯ