เอวํ มหาสตฺโต อตฺตโน อุโปสถกรณํ กเถตฺวา เต โอวทิตฺวา อุยฺโยเชตฺวา ปณฺณสาลํ ปาวิสิ ฯ อิตเรปิ ยถาฏฺฐานานิ อคมํสุ ฯ มหาสตฺโต อปริหีนชฺฌาโน พฺรหฺมโลกปรายโน อโหสิ ฯ อิตเร ตสฺโสวาเท ฐตฺวา สคฺคปรายนา อเหสุํ ฯ

สตฺถา อิมํ ธมฺมเทสนํ อาหริตฺวา เอวํ อุปาสกา อุโปสโถ นาเมโส โปราณกปณฺฑิตานํ วํโส อุปวสิตพฺโพ อุโปสโถติ วตฺวา ชาตกํ สโมธาเนสิ ตทา กโปโต อนุรุทฺโธ อโหสิ อจฺโฉ กสฺสโป สิงฺคาโล โมคฺคลฺลาโน สปฺโป สารีปุตฺโต ตาปโส ปน อหเมวาติ ฯ

ปญฺจอุโปสถชาตกํ สตฺตมํ ฯ