ปรินายกสมฺปนฺนา สหิตา เอกวาทิโน

เต มํ สมคฺคา หึเสยฺยุํ ตสฺมา เตสํ น ปฏฺฐเยติ ฯ

ตตฺถ สมงฺคิ เอกโตติ สหิโต หุตฺวา เอกโต ฐิเต ฯ อิมสฺสุทนฺติ อิเม สุทํ มยา อกฺขีนิ อุมฺมิเลตฺวา โอโลกิตมตฺตาว ปุพฺเพปิ ทิโสทิสํ คจฺฉนฺติ ฯ ปุถูติ วิสุํ วิสุํ ฯ ยตฺถ ฐิตาติ ยสฺมึ ภูมิภาเค ฐิตา ฯ ปรินายกสมฺปนฺนาติ เสนานายกสมฺปนฺนา ฯ ตสฺมา เนสํ น ปฏฺฐเยติ เตน การเณน เอเตสํ น ปฏฺเฐมิ ฯ

ตํ สุตฺวา กูฏชฏิโล ตสฺส อุสฺสาหํ ชเนนฺโต คาถมาห