อกฺขาตา เต มหาราช ตาทิเส นิปตามเสติ ฯ

ตตฺถ สีลวนฺโตติ อริยสีเลน สมนฺนาคตา ฯ พหุสฺสุตาติ ปฏิเวธพาหุสจฺเจน สมนฺนาคตา ฯ ตาทิเสติ เอวรูเป พาหิตปาเป ปจฺเจกพุทฺธพฺราหฺมเณ นิมนฺตนตฺถาย อุปสงฺกมามาติ ฯ

ราชา ตสฺส กถํ สุตฺวา ปุจฺฉิ สมฺม วิธูร เอวรูปา อคฺคทกฺขิเณยฺยา พฺราหฺมณา กหํ วสนฺตีติ ฯ อุตฺตรหิมวนฺเต นนฺทมูลกปพฺภาเร มหาราชาติ ฯ เตนหิ ปณฺฑิต ตว พเลน มยฺหํ เต พฺราหฺมเณ ปริเยสาติ ตุฏฺฐมานโส คาถมาห

เอเต โข พฺราหฺมณา วิธูร สีลวนฺโต พหุสฺสุตา