ชานาสิ มํ ตฺวํ ปรทตฺตูปชีวี

อุตฺติฏฺฐปิณฺฑํ ลภตํ สปาโกติ ฯ

ตตฺถ ปกตนฺติ ปฏิยตฺตํ ฯ ยสสฺสินนฺติ ปริวารสมฺปนฺนํ ฯ ตํ ขชฺชเรติ ตํ ขชฺชนฺติเยว ภุญฺชนฺติ จ ปิวนฺติ จ กึการณา มยฺหํ กุชฺฌสิ ฯ อุตฺติฏฺฐปิณฺฑนฺติ อุปติฏฺฐิตฺวา ลภิตพฺพปิณฺฑํ อุฏฺฐาย ฐิเตหิ วา ทิยฺยมานํ เหฏฺฐา ฐตฺวา ลภิตพฺพปิณฺฑํ ฯ ลภตํ สปาโกติ สปาโก จณฺฑาโลปิ ลภตุ ชาติสมฺปนฺนา หิ ยตฺถ กตฺถจิ ลภนฺติ สปากจณฺฑาลสฺส ปน โก เทติ ทุลฺลภปิณฺโฑ อหํ ตสฺมา เม ชีวิตปวตฺตนตฺถํ โภชนํ ทาเปหิ กุมาราติ ฯ

ตโต มณฺฑโพฺย คาถมาห