ตตฺถ มนุญฺญเมว ภาเสยฺยาติ ปเรน สทฺธึ ภาสมาโน จตุโทสวิรหิตํ มธุรํ มนาปํ สณฺหมุทุกํ ปิยวาจเมว ภาเสยฺย ฯ ครุภารํ อุททฺธรีติ นนฺทิวิสาโล พลิพทฺโท อมนาปํ ภาสมานสฺส ภารํ อนุทฺธริตฺวา ปจฺฉา มนาปํ ปิยวจนํ ภาสมานสฺส พฺราหฺมณสฺส ครุภารํ อุททฺธริตฺวา ปาเปสีติ อตฺโถ ฯ ตตฺถ ทกาโร ปเนตฺถ พฺยญฺชนสนฺธิวเสน ปทสนฺธิกโรติ ฯ

อิติ สตฺถา มนุญฺญเมว ภาเสยฺยาติ อิมํ ธมฺมเทสนํ อาหริตฺวา ชาตกํ สโมธาเนสิ ตทา พฺราหฺมโณ อานนฺโท อโหสิ นนฺทิวิสาโล ปน อหเมว สมฺมาสมฺพุทฺโธติ ฯ

นนฺทิวิสาลชาตกํ อฏฺฐมํ ฯ