ตตฺถปฺปธานํ ปทหึ นิสชฺชฏฺฐานจงฺกเม

อพฺภนฺตรมฺหิ สตฺตาเห อภิญฺญาพลปาปุณินฺ"ติ.

เอวํ อภิญฺญาพลํ ปตฺวา สุเมธตาปเส สมาปตฺติสุเขน วีตินาเมนฺเต ทีปงฺกโร นาม สตฺถา โลเก อุทปาทิ. ตสฺส ปฏิสนฺธิชาติสมฺโพธิธมฺมจกฺกปฺปวตฺตเนสุ สกลาปิ ทสสหสฺสี โลกธาตุ สงฺกมฺปิ สมฺปกมฺปิ สมฺปเวธิ, มหาวิรวํ วิรวิ, ทฺวตฺตึส ปุพฺพนิมิตฺตานิ ปาตุรเหสุํ. สุเมธตาปโส สมาปตฺติสุเขน วีตินาเมนฺโต เนว ตํ สทฺทมสฺโสสิ, น ตานิปิ นิมิตฺตานิ อทฺทส. เตน วุตฺตํ:-

"เอวํ เม สิทฺธิปตฺตสฺส วสีภูตสฺส สาสเน