ทูเร จ วสํ เถโรว จกฺขุํ ยาจิตุมาคโต

เอกเนตฺตา ภวิสฺสาม จกฺขุํ เม เทหิ ยาจิโตติ ฯ

ตตฺถ ทูเรติ อิโต ทูเร จ วสนฺโต ฯ เถโรติ ชราชิณฺณตฺเถโร วิย ฯ เอกเนตฺตาติ เอกํ เนตฺตํ มยฺหํ เทหิ เอวํ เทฺวปิ เอกเนตฺตา ภวิสฺสามาติ ฯ

ตํ สุตฺวา มหาสตฺโต อิทาเนวาหํ ปาสาเท นิสินฺโน มนฺเตตฺวา อาคโต มหา เม ลาโภ อชฺเชว เม มโนรโถ มตฺถกํ ปาปุณิสฺสติ อทินฺนปุพฺพํ ทานํ ทสฺสามีติ ตุฏฺฐมานโส ทุติยํ คาถมาห