ราชา เอตฺตกํ กเถตฺวา อิเธว มยา อกฺขีนิ อุปฺปาเฏตฺวา ทาตุํ อสารุปฺปนฺติ จินฺเตตฺวา พฺราหฺมณํ อาทาย อนฺเตปุรํ คนฺตฺวา ราชาสเน นิสีทิตฺวา สีวิกํ นาม เวชฺชํ ปกฺโกสาเปตฺวา อกฺขีนิ เม โสเธหีติ อาห ฯ อมฺหากํ กิร ราชา อกฺขีนิ อุปฺปาเฏตฺวา พฺราหฺมณสฺส ทาตุกาโมติ สกลนคเร เอกโกลาหลํ อโหสิ ฯ อถ เสนาปติอาทโย ราชวลฺลภา จ นาครา จ โอโรธา จ สพฺเพ สนฺนิปติตฺวา ราชานํ นิวาเรนฺโต ติสฺโส คาถา อโวจุํ

มา โน เทว อทา จกฺขุํ มา โน สพฺเพ ปรกฺกริ

ธนํ เทหิ มหาราช มุตฺตา เวฬุริยา พหู ฯ

ยุตฺเต เทว รเถ เทหิ อาชานีเย อลงฺกเต