นาเค เทหิ มหาราช เหมกปฺปนิวาสเส ฯ

ยถา ตํ สีวิโย สพฺเพ สโยคา สรถา สทา

สมนฺตา ปริกเรยฺยุํ เอวํ เทหิ รเถสภาติ ฯ

ตตฺถ ปรกฺกรีติ ปริจฺจชิ ฯ อกฺขีสุ หิ ทินฺเนสุ รชฺชํ ตฺวํ น กาเรสฺสสิ อญฺโญ ราชา ภวิสฺสติ เอวํ ตยา มยํ ปริจฺจตฺตา นาม ภวิสฺสามาติ อธิปฺปาเยเนว อาหํสุ ฯ ปริกเรยฺยุนฺติ ปริวาเรยฺยุํ ฯ เอวํ เทหีติ ยถา ตํ อวิกลจกฺขุํ สีวิโย จิรํ ปริวาเรยฺยุํ เอวํ เทหิ ธนเมวสฺส เทหิ มา อกฺขีนิ อกฺขีสุ หิ ทินฺเนสุ น ตํ สีวิโย ปริวาเรสฺสนฺตีติ ฯ