ปาปา ปาปตโร โหติ สมฺปตฺโต ยมสาธนํ ฯ

ยํ หิ ยาเจ ตํ หิ ทเท ยํ น ยาเจ น ตํ ทเท

สฺวาหํ ตเมว ทสฺสามิ ยํ มํ ยาจติ พฺราหฺมโณติ ฯ

ตตฺถ ปฏิมุญฺจตีติ ปเวเสติ ฯ ปาปา ปาปตโรติ ลามกาปิ ลามกตโร นาม โหติ ฯ สมฺปตฺโต ยมสาธนนฺติ ยมสฺส อาณาปวตฺติฏฺฐานํ อุสฺสทนิรยํ สมฺปตฺโตเยว นาม โหติ ฯ ยํ หิ ยาเจติ ยํ ยาจโก ยาเจยฺย ทายโกปิ ตเมว ทเทยฺย น อยาจิตํ อยญฺจ พฺราหฺมโณ มํ จกฺขุํ ยาจติ น มุตฺตาทิกํ ธนํ ตเทว สฺวาหํ ทสฺสามีติ วทติ ฯ