ปหุตํ เม ธนํ สกฺก พลํ โก โสจนปฺปโก

อนฺธสฺส เม สโต ทานิ มรณญฺเญว รุจฺจตีติ ฯ

ตตฺถ มรณญฺเญว รุจฺจตีติ เทวราช อิทานิ มยฺหํ อนฺธภาเวน มรณเมว รุจฺจติ ตํ เม เทหีติ ฯ

อถ นํ สกฺโก อาห สีวิราช กึ ปน ตฺวํ มริตุกาโมว หุตฺวา มรณํ โรเจสิ อุทาหุ อนฺธภาเวนาติ ฯ อนฺธภาเวน เทวราชาติ ฯ มหาราช ทานนฺนาม น เกวลํ สมฺปรายตฺถเมว ทิยฺยติ ทิฏฺฐธมฺมิกตฺถายปิ ปจฺจโย โหติ ตฺวญฺจ เอกํ จกฺขุํ ยาจิโต เทฺว อทาสิ เตน ตฺวํ สจฺจกิริยํ กโรหีติ กถํ สมุฏฺฐเปตฺวา อาห