สุทุกฺกรํ อกรา ภีรุ มรณายูปนิวตฺตถาติ ฯ

ตตฺถ มรณายูปนิวตฺตถาติ มรณตฺถาย อุปนิวตฺติ ฯ

ลุทฺโทปิ อาคนฺตฺวา เต ตโย ชเน เอกโต ฐิเต ทิสฺวา เมตฺตจิตฺตํ อุปฺปาเทตฺวา เอกกุจฺฉิยํ นิพฺพตฺตภาตโร วิย มญฺญมาโน จินฺเตสิ มิคราชา ตาว ปาเส พนฺโธ อิเม ปน เทฺว ชนา หิโรตฺตปฺปพนฺเธน พนฺธา กึ นุโข อิเม เอตสฺส โหนฺตีติ ฯ อถ นํ ปุจฺฉนฺโต คาถมาห

กินฺนุ เตเม มิคา โหนฺติ มุตฺตา พนฺธํ อุปาสเร