ตตฺถ วิวิธ อธิมนา สุณามิหนฺติ ภนฺเต ตุมฺเหหิ วิวิเธหิ นานาการเณหิ อลงฺกริตฺวา เทสิตํ ธมฺมเทสนํ อหํ อธิมนา ปสนฺนจิตฺตา หุตฺวา สุณามิ ฯ วจนปถนฺติ ตํ ตํ ตุมฺเหหิ วุตฺตํ วิวิธวจนํ ฯ มุญฺจํ คิรํ นุทเสว เม ทรนฺติ กณฺณสุขํ มธุรํ คิรํ มุญฺจนฺโต มม หทเย โสกทรถํ นุทสิเยว หรสิเยว ฯ สมณ สุขาวห ชีว เม จิรนฺติ ภนฺเต พุทฺธสมณ ทิพฺพมานุสโลกิยโลกุตฺตรสุขาวห มม สามิ ธมฺมราช จิรํ ชีวาติ ฯ

โกสลราชา ตโต ปฏฺฐาย ตาย สทฺธึ สมคฺคสํวาสํ วสิ ฯ

สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา กินฺนโร โกสลราชา อโหสิ กินฺนรี มลฺลิกา เทวี ภลฺลาติกราชา ปน อหเมวาติ ฯ

ภลฺลาติกชาตกํ นิฏฺฐิตํ ฯ