ตตฺถ มูลาติ มูลกาทิมูลา ฯ ผลาติ นานาวิธานิ วลฺลิผลานิ ฯ เต รกฺขติ โคปยตปฺปมตฺโตติ เต เอส ตว กุลูปกตาปโส ปณฺณิกกมฺมํ กโรนฺโต นิสีทิตฺวา รกฺขติ วตึ กตฺวา โคปยติ อปฺปมตฺโต เตน การเณน โส ตว พฺราหฺมโณ คหปติ นาม โหติ ฯ

อิติ นํ อหมฺปิ คหปตีติ กเถมิ สเจ น สทฺทหสิ จตูสุ ทฺวาเรสุ ปณฺณิเก ปุจฺฉาเปหีติ ฯ ราชา ปุจฺฉาเปสิ ฯ เต อาม มยํ อิมสฺส หตฺถโต ปณฺณญฺจ ผลานิ จ กีณามาติ อาหํสุ ฯ วตฺถุํปิ อุปธาราเปตฺวา ปจฺจกฺขมกาสิ ฯ ปณฺณสาลํ จสฺส ปวิสิตฺวา กุมารสฺส ปุริโส ปณฺณวิกฺกยลทฺธกหาปณมาสกภณฺฑิกํ นีหริตฺวา รญฺโญ ทสฺเสสิ ฯ ราชา มหาสตฺตสฺส นิทฺโทสภาวํ ญตฺวา คาถมาห

สจฺจํ โข เอตํ วทสิ กุมาร

ปริคฺคหา วิวิธา สนฺติมสฺส