ปุรกฺขโต นาริคณสฺส มชฺเฌติ ฯ

ตตฺถ พหุ โสภมาโนติ ภิกฺขเว โส พาราณสิราชา โสฬสหิ นารีสหสฺเสหิ ปุรกฺขโต ปริวาริโต ตสฺส นารีคณสฺส มชฺเฌ พาราณสิโต นาคภวนํ คจฺฉนฺโต อติวิย โสภมาโน ปายาสิ ฯ

ตสฺส นครา นิกฺขมนกาเลเยว มหาสตฺโต อตฺตโน อานุภาเวน นาคภวนํ สพฺพรตนมยปาการญฺจ ทฺวารฏฺฏาลเก จ ทิสฺสมานรูเป กตฺวา นาคภวนคามิมคฺคํ อลงฺกตปฏิยตฺตํ มาเปสิ ฯ ราชา สปริวาโร เตน มคฺเคน นาคภวนํ ปวิสิตฺวา รมณียํ ภูมิภาคญฺจ ปาสาเท จ อทฺทส ฯ

ตมตฺถํ ปกาเสนฺโต สตฺถา อาห