เอวํ นฏฺโฐ เอสุการิ มมตฺโถ

โสหํ กถํ น คเวเสยฺย ราชาติ ฯ

ตตฺถ เอสุการีติ ราชานํ อาลปติ ฯ มมตฺโถติ วเน โคโณ วิย มม ปพฺพชฺชาสงฺขาโต อตฺโถ นฏฺโฐ ฯ โสหนฺติ โส อหํ อชฺช ปพฺพชิตานํ มคฺคํ ทิสฺวา กถํ ปพฺพชฺชํ น คเวเสยฺยํ มม ภาติกานํ คตมคฺคเมว คมิสฺสามิ นรินฺทาติ ฯ

อถ นํ ตาต โคปาลก เอกาหํ ทฺวีหํ อาคเมหิ อมฺเห สมสฺสาเสตฺวา ปจฺฉา ปพฺพชิสฺสสีติ วทึสุ ฯ โส มหาราช อชฺช กตฺตพฺพํ กมฺมํ เสฺว กริสฺสามีติ น วตฺตพฺพํ กลฺยาณกมฺมํ นาม อชฺช อชฺเชว กตฺตพฺพนฺติ วตฺวา อิตรํ คาถมาห