สทฺธิญฺจ กตฺวา โปริสาทเกน

สจฺจานุรกฺขี ปุนหํ คมิสฺสนฺติ ฯ

ตตฺถ อปราธิโตติ อปราธํ อิโต อหํ ฯ ตุวิยนฺติ ตว สนฺติกํ ฯ อิทํ วุตฺตํ โหติ ตาต อหํ อิโต ตว กมฺมโต วา ตว วจนโต วา กิญฺจิ มม อปฺปิยํ อปราธํ น สรามิ ฯ สทฺธิญฺจ กตฺวาติ มํ ปน มิควธํ คตํ เอโก ยกฺโข มํ ขาทิสฺสามีติ คณฺหิ อถาหํ พฺราหฺมณสฺส ธมฺมกถํ สุตฺวา ตสฺส สกฺการํ กตฺวา เสฺว ปาตราสกาเล อาคมิสฺสนฺติ เตน ปุริสาเทน สทฺธึ สจฺจํ กตฺวา อาคโต ตสฺมา สจฺจํ อนุรกฺขนฺโต ปุน ตตฺถ คมิสฺสามิ ตฺวํ รชฺชํ กาเรหีติ วทติ ฯ

ตํ สุตฺวา กุมาโร คาถมาห