ตํ สุตฺวา เทวี มหาราช ทุลฺลโภ มม โทหโล น ตํ อิทานิ กเถมิ ยาวติกา ปน โว วิชิเต ลุทฺทา เต สพฺเพ สนฺนิปาเตถ เตสํ มชฺเฌ กเถสฺสามีติ ทีเปนฺตี อนนฺตรํ คาถมาห

ลุทฺทา เทว สมายนฺตุ เย เกจิ วิชิเต ตว

เอเตสํ อหมกฺขิสฺสํ ยาทิโส มม โทหโลติ ฯ

ตตฺถ เทว เย เกจิ ตว วิชิเต ยุตฺตา ลุทฺทา อตฺถิ สพฺเพ เต ลุทฺทา สมายนฺตุ ปกฺโกสึสุ อหํ ยาทิโส มม โทหโล เอเตสํ ลุทฺทานํ อกฺขิสฺสํ อกฺขิสฺสามีติ ฯ