กึการณา ปณฺฑรก คหิโตติ คาถมาห ฯ

ตตฺถ โกนีธาติ อิธ อมฺเหสุ ตีสุ ชเนสุ โก นุ อตฺถิ ฯ อสฺมึธาติ เอตฺถ อิธาติ นิปาตมตฺตํ อสฺมึ โลเกติ อตฺโถ ฯ ปาณภูติ ปาณภูโต ฯ อถวา ตเววาติ อุทาหุ ตวเยว ฯ ตตฺถ สมณํ ตาว มา ครห โส หิ อุปาเยน รหสฺสํ ปุจฺฉิ สุปณฺณมฺปิ มา ครห อหํ หิ ตว ปจฺจตฺถิโกว ฯ ปณฺฑรก คหิโตติ สมฺม ปณฺฑรก อหํ กึการณา สุปณฺเณน คหิโตติ จินฺเตตฺวา ปน อตฺตานเมว ครหึ ฯ ตยา หิ รหสฺสํ กเถนฺเตน อตฺตนาว อตฺตโน อนตฺโถ กโตติ อยเมตฺถ อธิปฺปาโย ฯ

ตํ สุตฺวา ปณฺฑรโก คาถมาห

สมโณติ เม สมฺมตตฺโต อโหสิ