มิสฺสีภูตา อสฺสวาหาว นาคาติ ฯ

ตตฺถ สมาติ สมานรูปา สทิสสณฺฐานา หุตฺวา ฯ สุชยาติ สุขวยา ปริสุทฺธา ฯ อยเมว วา ปาโฐ ฯ ปุญฺญกฺขนฺธาติ กตกุสลตาย ปุญฺญกฺขนฺธา วิย ฯ มิสฺสีภูตาติ หตฺเถน หตฺถํ คเหตฺวา กายมิสฺสีภาวํ อุปคตา ฯ อสฺสวาหาว นาคาติ ธุเร ยุตฺตกา รถวาหา เทฺว อสฺสา วิย ปุริสนาคา ตสฺส อสฺสมํ อคมํสุ ฯ

คนฺตฺวา จ ปน สุปณฺณราชา จินฺเตสิ อยํ นาคราชา อเจลกสฺส ชีวิตํ น ทสฺสติ เอตํ ทุสฺสีลํ น วนฺทิสฺสามีติ ฯ โส พหิ ฐตฺวา นาคราชานเมว ตสฺส สนฺติกํ เปเสสิ ฯ ตํ สนฺธาย อิตรํ คาถมาห

ตโต หเว ปณฺฑรโก อเจลํ