อสญฺญโต สญฺญตสนฺนิกาโส

กณฺหาภิชาติโก อนริยรูโป

ปาปํ พหุํ ทุจฺจริตํ อจรีติ ฯ

ตตฺถ น เมติ อมฺโภ ทุสฺสีลนคฺคมุสาวาทิ ปพฺพชิตสฺส หิ อิมญฺจ ปรญฺจ โลกํ สมฺปสฺสโต ปิยํ วา เม อปฺปิยํ วาปิ เมติ น โหติ ตฺวํ ปน สุสญฺญตานํ สีลวนฺตานํ พฺยญฺชเนน ปพฺพชิตลิงฺเคน อสญฺญโต หุตฺวา อิมํ โลกํ วญฺเจนฺโต จรสิ ฯ อริยาวกาโสสีติ อริยปฏิรูปโกสิ ฯ อสญฺญโตติ กายาทีหิ อสญฺญโตสิ ฯ กณฺหาภิชาติโกติ กาฬกสภาโว ฯ อนริยรูโปติ อหิริกสภาโว ฯ อจรีติ อกาสิ ฯ