มา ตฺวํ ทหิ มุญฺจ ปติพฺพตา สาติ ฯ

ตตฺถ สนฺตาติ อุปสนฺตา อถวา ปณฺฑิตา ญาณสมฺปนฺนา ฯ สมาติ กายวิสมาทิวิรหิตา ฯ อเทสีติ ขาทสิ ฯ ผเลยฺยาติ อิมินา เม อินฺทวชิเรน ปหตํ ภิชฺเชถ ฯ มา ตฺวํ ทหีติ อิมํ ปติพฺพตํ มา ตาเปยฺย ฯ

ตํ สุตฺวา ทานโว สมฺพุลํ วิสชฺเชสิ ฯ สกฺโก ปุนปิ เอส เอวรูปํ กเรยฺยาติ จินฺเตตฺวา ทานวํ เทวสงฺขลิกาย พนฺธิตฺวา ปุนปิ อนาคมนาย ตติเย ปพฺพตนฺตเร วิสชฺเชสิ ฯ ราชธีตรํ อปฺปมาเทน โอวทิตฺวา สกฏฺฐานเมว คโต ฯ ราชธีตาปิ อตฺถงฺคมิเต สุริเย จนฺทาโลเกน อสฺสมํ ปาปุณิ ฯ

ตมตฺถํ ปกาเสนฺโต อฏฺฐ คาถา อภาสิ