อถ นํ อนุสิสฺโส สาธุ มหาราช ตุมฺเห ปจฺฉา อาคจฺฉถาติ วตฺวา ปานียฆฏํ อาทาย อสฺสมํ ปวิสิตฺวา ปานียฆฏํ ปฏิสาเมตฺวา ติณฺณํ ราชูนํ เทวราชสฺส จ ปญฺเห ปุจฺฉนตฺถาย อาคตภาวํ มหาสตฺตสฺส อาโรเจสิ ฯ โส อิสิคณปริวุโต มหาวิสาลมาฬเก นิสีทิ ฯ ตโย ราชาโน อาคนฺตฺวา อิสิคณํ วนฺทิตฺวา เอกมนฺตํ นิสีทึสุ ฯ สกฺโกปิ โอตริตฺวา อิสิคณํ อุปสงฺกมิตฺวา อญฺชลึ ปคฺคยฺห ฐิโต อิสิคณํ วณฺเณตฺวา วนฺทมาโน ปญฺจมํ คาถมาห

ทูเร สุตา โน อิสโย สมาคตา

มหิทฺธิกา อิทฺธิคุณูปปนฺนา

วนฺทามิ เต อยิเร ปสนฺนจิตฺโต