เย ชีวโลเกตฺถ มนุสฺสเสฏฺฐาติ ฯ

ตตฺถ ทูเร สุตา โนติ ภนฺเต ตุมฺเห อมฺเหหิ ทูเร เทวโลเก ฐิเตหิเยว สุตาติ มมายนฺโต เอวมาห ฯ อิทํ วุตฺตํ โหติ อิเม อิธ สมาคตา อมฺหากํ อิสโย ทูเร สุตา ยาว พฺรหฺมโลกา วิสฺสุตา ปากฏาติ ฯ มหิทฺธิกาติ มหานุภาวา ฯ อิทฺธิคุณูปปนฺนาติ ปญฺจวิเธน อิทฺธิคุเณน สมนฺนาคตา ฯ อยิเรติ อยฺเย ฯ เยติ ตุมฺเห อิมสฺมึ ชีวโลเก มนุสฺเสสุ เสฏฺฐาติ ฯ

เอวํ อิสิคณํ วณฺเณตฺวา สกฺโก ฉ นิสชฺชโทเส ปริหรนฺโต เอกมนฺตํ นิสีทิ ฯ อถ นํ อิสีนํ อโธวาเต นิสินฺนํ ทิสฺวา อนุสิสฺโส ฉฏฺฐคาถมาห

คนฺโธ อิสีนํ จิรทกฺขิตานํ