กายา จุโต คจฺฉติ มาลุเตน

อิโต ปฏิกฺกมฺม สหสฺสเนตฺตํ

คนฺโธ อิสีนํ อสุจิ เทวราชาติ ฯ

ตตฺถ จิรทกฺขิตานนฺติ จิรปพฺพชิตานํ ฯ ปฏิกฺกมฺมาติ ปฏิกฺกม อเปหิ ฯ สหสฺสเนตฺตาติ อาลปนเมตํ ฯ สกฺโก หิ อมจฺจสหสฺเสหิ จินฺติตอตฺถํ เอกโกว ปสฺสติ ตสฺมา สหสฺสเนตฺโตติ วุจฺจติ ฯ อถวา ฯ สหสฺสเนตฺตานํ ปน เทวานํ ทสฺสนูปจาราติกฺกมนสมตฺโถติ สหสฺสเนตฺโต ฯ อสุจีติ เสทมลาทิปริภาวิตตฺตา ทุคฺคนฺโธ ตุมฺเห จ สุจิกามา เตน โว เอส คนฺโธ พาธตีติ ฯ