๖. อาสึสวคฺควณฺณนา

๑. มหาสีลวชาตกํ

อาสึเสเถว ปุริโสติ อิทํ สตฺถา เชตวเน วิหรนฺโต โอสฺสฏฺฐวิริยํ ภิกฺขุํ อารพฺภ กเถสิ ฯ

ตํ หิ สตฺถา สจฺจํ กิร ตฺวํ ภิกฺขุ โอสฺสฏฺฐวิริโยติ ปุจฺฉิตฺวา อาม ภนฺเตติ วุตฺเต กสฺมา ตฺวํ ภิกฺขุ เอวรูเป นิยฺยานิกสาสเน ปพฺพชิตฺวา วิริยํ โอสฺสชฺชิ ปุพฺเพ ปณฺฑิตา รชฺชา ปริหายิตฺวาปิ อตฺตโน วิริเย ฐตฺวาว นฏฺฐมฺปิ ยสํ ปุน อุปฺปาทยึสูติ วตฺวา อตีตํ อาหริ ฯ