กถํ นุ ทานิ กริสฺสามีต ฯ

ตสฺสตฺโถ โย อหํ ปุพฺเพ จตุอาชญฺญยุตฺตํ สพฺพาลงฺการปฏิมณฺฑิตํ รถํ อภิรุยฺห อุยฺยานํ คจฺฉามิ มตฺตกุญฺชเร โยเธมิ อญฺเญหิ จ อสฺสกีฬาทีหิ กีฬามิ สฺวาหํ อิทานิ สุตโสเม ปพฺพชิเต กถํ กริสฺสามีติ ฯ

อถสฺส กนิฏฺฐภาตา สตฺตวสฺสิโก เต อุโภปิ โรทนฺเต ทิสฺวา มาตรํ อุปสงฺกมิตฺวา อมฺม กึการณา ตุมฺเห โรทถาติ ปุจฺฉิตฺวา ตมตฺถํ สุตฺวา เตนหิ มา โรทถ อหํ ตาวสฺส ปพฺพชิตุํ น ทสฺสามีติ อุโภปิ เต อสฺสาเสตฺวา ธาติยา สทฺธึ ปาสาทา โอรุยฺห ปิตุ สนฺติกํ คนฺตฺวา ตาต ตฺวํ กิร อมฺเห อกามเก ปหาย ปพฺพชามีติ วทสิ อหํ เต ปพฺพชิตุํ น ทสฺสามีติ ปิตรํ คีวายํ ทฬฺหํ คเหตฺวา คาถมาห

มาตุ จ เม รุทนฺตฺยา