ธเม ธเม นาติธเม อติธนฺตํ หิ ปาปกํ

ธมนฺเตน สตํ ลทฺธํ อติธนฺเตน นาสิตนฺติ ฯ

ตตฺถ ธเม ธเมติ ธเมยฺย โน น ธเมยฺย เภรึ วาเทยฺย โน น วาเทยฺยาติ อตฺโถ ฯ นาติธเมติ อติกฺกมิตฺวา ปน นิรนฺตรเมว กตฺวา น วาเทยฺย ฯ กึการณา ฯ อติธนฺตํ หิ ปาปกนฺติ นิรนฺตรํ เภริวาทนํ อิทานิ อมฺหากํ ปาปกํ ลามกํ ชาตํ ฯ ธมนฺเตน สตํ ลทฺธนฺติ นคเร เภริวาทเนน กหาปณสตํ ลทฺธํ ฯ อติธนฺเตน นาสิตนฺติ อิทานิ ปน เม ปุตฺเตน วจนํ อกตฺวา ยํ อิทํ อฏวิยํ อติธนฺตํ เตน อติธนฺเตน สพฺพํ นาสิตนฺติ ฯ

สตฺถา อิมํ ธมฺมเทสนํ อาหริตฺวา อนุสนฺธึ ฆเฏตฺวา ชาตกํ สโมธาเนสิ ตทา ปุตฺโต ทุพฺพจภิกฺขุ อโหสิ ปิตา ปน อหเมวาติ ฯ