โย ปุพฺเพ กรณียานิ ปจฺฉา โส กาตุมิจฺฉติ

วรณกฏฺฐํ ภญฺโชว ส ปจฺฉา อนุตปฺปตีติ ฯ

ตตฺถ ส ปจฺฉา อนุตปฺปตีติ โยโกจิ ปุคฺคโล อิทํ ปุพฺเพ กตฺตพฺพํ อิทํ ปจฺฉาติ อวีมํสิตฺวา ปุพฺเพ กรณียานิ ปฐมเมว กตฺตพฺพกมฺมานิ ปจฺฉา กโรติ อยํ วรณกฏฺฐภญฺโช อมฺหากํ มาณวโก วิย โส พาลปุคฺคโล ปจฺฉา อนุตปฺปติ โสจติ ปริเทวตีติ อตฺโถ ฯ

เอวํ โพธิสตฺโต อนฺเตวาสิกานํ อิมํ การณํ กเถตฺวา ทานาทีนิ ปุญฺญานิ กตฺวา ชีวิตปริโยสาเน ยถากมฺมํ คโต ฯ