อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต มหายโส เสฏฺฐี อโหสิ ฯ ตสฺส กาฬกณฺณี นาม มิตฺโตติ สพฺพํ ปจฺจุปฺปนฺนสทิสเมว ฯ โพธิสตฺโต โภคคามโต อาคโต ตํ ปวุตฺตึ สุตฺวา สเจ มยา ตุมฺหากํ วจเนน เอวรูโป มิตฺโต นิกฺกฑฺฒิโต อสฺส อชฺช เม กุฏุมฺพํ กิญฺจิ นาภวิสฺสาติ วตฺวา อิมํ คาถมาห

มิตฺโต หเว สตฺตปเทน โหติ

สหาโย ปน ทฺวาทสเกน โหติ

มาสฑฺฒมาเสน จ ญาติ โหติ