เอวํ มหาสตฺโต อิมํ การณํ อุตฺตานํ กตฺวา มหาราช รญฺญา นาม อนิสมฺม อนุปธาเรตฺวา กมฺมํ น กตฺตพฺพนฺติ ราชานํ ปโพเธสิ ฯ ราชา ตุสฺสิตฺวา โพธิสตฺตํ รชฺเชน ปูเชสิ ฯ โพธิสตฺโต ตสฺส รชฺชํ รญฺโญเยว ปฏิทตฺวา ราชานํ ปญฺจสุ สีเลสุ ปติฏฺฐาเปตฺวา สพฺพสตฺตานํ อภยํ ยาจิ ฯ ราชา ธมฺมเทสนํ สุตฺวา สพฺพสตฺตานํ อภยํ ทตฺวา กากานํ นิพทฺธทานํ ปฏฺฐเปตฺวา ทิวเส ทิวเส ตณฺฑุลมฺพนสฺส ภตฺตํ ปจิตฺวา นานคฺครเสหิ โอมทฺทิตฺวา กากานํ ทานํ ทียติ ฯ มหาสตฺตสฺส ปน ราชโรธนเมว ทียิตฺถ ฯ

สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา พาราณสีราชา อานนฺโท อโหสิ กากราชา ปน อหเมวาติ ฯ

กากชาตกํ ทสมํ ฯ

อสมฺปทานวคฺโค จุทฺทสโม ฯ