อหํ ปราชิโต, คจฺฉ ตฺวนฺติ วตฺวา สีโห ตโต ว นิวตฺติตฺวา โคจรํ คเหตฺวา สเร ปานียํ ปิวิตฺวา ปพฺพตคุหายเมว คโต ฯ สูกโรปิ สีโห เม ชิโตติ ญาตกานํ อาโรเจสิ ฯ เต ภีตตสิตา ปุน เอกทิวสํ อาคจฺฉนฺโต สีโห สพฺเพ ว อมฺเห ชีวิตกฺขยํ ปาเปสฺสตีติ ปลายิตฺวา อญฺญตฺถ อคมํสุ ฯ

สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา สูกโร มหลฺลโก อโหสิ, สีโห ปน อหเมวาติ ฯ

สูกรชาตกํ ตติยํ ฯ