โอโลเกตฺวา มหาโสณํ วิสฺสชฺชาเปสิ ฯ อสฺสวาณิชาปิ มหาโสณํ อาคจฺฉนฺตํ ทิสฺวา สุหนุํ วิสฺสชฺเชสุํ ฯ เต อญฺญมญฺญํ ปตฺวา สรีรานิ เลหนฺตา สมฺโมทมานา อฏฺฐํสุ ฯ ราชา โพธิสตฺตํ ปุจฺฉิ ปสฺสสิ, อิเม เทฺว กูฏสฺสา อญฺเญสํ จณฺฑา ผรุสา สาหสิกา อญฺเญ อสฺเส ฑํสิตฺวา เคลญฺญํ ปาเปสุํ, อิทานิ อญฺญมญฺญํ ปน สรีรํ เลหนฺตา สมฺโมทมานา อฏฺฐํสุ, กินฺนาเมตนฺติ ฯ โพธิสตฺโต น อิเม มหาราช วิสมสีลา สมสีลา สมธาตุกา เอเตติ วตฺวา เทฺว คาถา อภาสิ

นยิทํ วิสมสีเลน โสเณน สุหนู สห,

สุหนุปิ ตาทิโส เยว โย โสณสฺส สโคจโร,

ปกฺขนฺทินา ปคพฺเภน นิจฺจํ สนฺทานขาทินา