ตยชฺช คุตฺตา วิหเรมุ ทิวสนฺติ ฯ

ตตฺถ อุเทตีติ ปาจีนโลกธาตุโต อุคฺคจฺฉติ ฯ จกฺขุมาติ สกลจกฺกวาฬวาสีนํ อนฺธการํ วธิตฺวา จกฺขุปฏิลาภกรเณน ยนฺเตน เตสํ ทินฺนํ จกฺขุ เตน จกฺขุมา ฯ เอกราชาติ สกลจกฺกวาเฬ อาโลกกรานํ อนฺตเร เสฏฺฐวิสิฏฺฐฏฺเฐน เอกราชา ฯ หริสฺสวณฺโณติ หริสฺสมานวณฺโณ สุวณฺณวณฺโณติ อตฺโถ ฯ ปฐวิปฺปภาโสติ ปฐวิโอภาโส ฯ ตํ ตํ นมสฺสามีติ ตสฺมา ตํ เอวรูปํ ภวนฺตํ นมสฺสามิ วนฺทามิ ฯ ตยชฺช คุตฺตา วิหเรมุ ทิวสนฺติ ตยา อชฺช รกฺขิตโคปิตา หุตฺวา อิมํ ทิวสํ จตุอิริยาปถวิหาเรน สุขํ วิหเรยฺยาม ฯ

เอวํ โพธิสตฺโต อิมาย คาถาย สุริยํ นมสฺสิตฺวา ทุติยคาถาย อตีเต ปรินิพฺพุเต พุทฺเธ เจว พุทฺธคุเณ จ นมสฺสติ

เย พฺราหฺมณา เวทคุ สพฺพธมฺเม