อลีนวีริโย โหติ ปคฺคหิตมโน สทา

ตเถว ตฺวํ สพฺพภเว ปคฺคณฺห ๑- วีริยํ ทฬฺหํ

วีริยปารมิตํ คนฺตฺวา สมฺโพธึ ปาปุณิสฺสสี"ติ.

อถสฺส "น เอตฺตเกเหว พุทฺธการกธมฺเมหิ ภวิตพฺพนฺ"ติ อุตฺตรึปิ อุปธารยโต ฉฏฺฐํ ขนฺติปารมึ ทิสฺวา เอตทโหสิ "สุเมธปณฺฑิต ตฺวํ อิโต ปฏฺฐาย ขนฺติปารมึปิ ปูเรยฺยาสิ, สมฺมานเนปิ อวมานเนปิ ขโมว ภเวยฺยาสิ, ยถา หิ ปฐวิยํ นาม สุจึปิ ปกฺขิปนฺติ, อสุจึปิ, น เตน ปฐวี สิเนหํ, น ปฏิฆํ กโรติ, ชมติ สหติ อธิวาเสติเยว, เอวเมว ตฺวํปิ สมฺมานเนปิ อวมานเนปิ ขโมว สมาโน พุทฺโธ ภวิสฺสสี"ติ. ฉฏฺฐํ ขนฺติปารมึ ทฬฺหํ กตฺวา อธิฏฺฐาสิ. เตน วุตฺตํ:-