Cattālīsanipātavaṇṇanā

tesakuṇajātakaṃ

vessantaraṃ taṃ pucchāmīti idaṃ satthā jetavane viharanto kosalarañño ovādavasena kathesi.

Taṃ hi rājānaṃ dhammassavanatthāya āgataṃ satthā āmantetvā mahārāja raññā nāma dhammena rajjaṃ kāretabbaṃ yasmiṃ hi samaye rājāno adhammikā honti rājayuttāpi tasmiṃ samaye adhammikā hontīti catukkanipāte āgatasuttanayena ovaditvā agatigamane agatiagamane ca ādīnavaṃ ānisaṃsañca kathetvā supinakūpamā kāmāti ādinā nayena kāmesu ādīnavaṃ vitthāretvā mahārāja imesaṃ hi sattānaṃ