vihaññati cittavasānuvattī,

so haññati ñātisakhāna majjhe,

macchānugo soriva suṃsumāroti.

Tattha lokāmisanti pañca kāmaguṇā, te hi loko iṭṭhato kantato manāpato gaṇhāti, tasmā lokāmisanti vuccanti 1-. Opatantoti taṃ lokāmisaṃ anuvattanto kilesavasena cittavasānuvattī puggalo vihaññati kilamati vināsaṃ pāpuṇāti. So haññatīti so evarūpo puggalo ñātīnañca sakhānañca majjhepi vikaṇṇakena viddho macchānugo suṃsumāro viya pañca kāmaguṇe manāpāti gahetvā haññati vihaññati kilamati mahāvināsaṃ pāpuṇāti yevāti.