vilumpateva puriso yāvassa upakappati,

yadā caññe vilumpanti so vilutto vilumpatīti.

Tattha vilumpateva puriso yāvassa upakappatīti yāva assa purisassa issariyaṃ upakappati ijjhati pavattati tāva so aññaṃ

Vilumpati yeva. Yāva so upakappatītipi pāṭho. Yattakaṃ kālaṃ so puriso sakkoti vilumpitunti attho. Yadā caññe vilumpantīti yadā aññe issarā hutvā vilumpanti. So vilutto vilumpatīti atha so vilumpako aññehi vilumpati. Vilumparetipi pāṭho. Ayamettha attho. Vilumpananti paṭhanti. Tassattho na sameti evaṃ vilumpako puna vilumpaṃ pāpuṇātīti.