sattatantiṃ sumadhuraṃ rāmaṇeyyaṃ avādayiṃ,

so maṃ raṅgamhi avheti, saraṇaṃ me hohi kosiyāti.

Tassattho ahaṃ devarāja musilaṃ nāma antevāsikaṃ sattatantiṃ sumadhuraṃ rāmaṇeyyaṃ vīṇaṃ attano jānananiyāmena sikkhāpesiṃ, so maṃ idāni raṅgamaṇḍale pakkosati, tassa me tvaṃ kosiyagotta saraṇaṃ hohīti.

Sakko tassa vacanaṃ sutvā mā bhāyi, ahaṃ te tāṇañca leṇañcāti vatvā dutiyaṃ gāthamāha