Te aparasmiṃ divase vinicchayaṃ sajjetvā aññaṃ aṭṭaṃ suṭṭhu vinicchinitvā kīdisaṃ te deva suṭṭhu vinicchitanti pucchiṃsu. So punapi oṭṭhameva bhañji. Athassa andhabālabhāvaṃ ñatvā bodhisatto dutiyaṃ gāthamāha

nāyaṃ dhammaṃ adhammaṃ vā atthānatthañca bujjhati,

aññatra oṭṭhanibbhogā nāyaṃ jānāti kiñcananti.

Amaccā pādañjalikumārassa lolabhāvaṃ ñatvā bodhisattaṃ rajje abhisiñciṃsu.