Atīte videharaṭṭhe mithilāyaṃ suruci nāma rājā ahosi. Puttopissa suruciyeva. Tassa pana putto mahāpanādo nāma ahosi. Te imaṃ pāsādaṃ paṭilabhiṃsu. Paṭilābhatthāya panassa pubbakammaṃ dve pitāputtā naḷehi ca udumbaradārūhi ca paccekabuddhassa vasanapaṇṇasālaṃ kariṃsūti. Imasmiṃ jātake sabbaṃ atītavatthuṃ pakiṇṇakanipāte surucijātake āvibhavissatīti.

Satthā imaṃ dhammadesanaṃ āharitvā abhisambuddho hutvā imā gāthā avoca

panādo nāma so rājā yassa yūpo suvaṇṇiyo

tiriyaṃ soḷasubbedho uccamāhu sahassadhā