Tattha dariyāti maṇiguhāya. Vasāmaseti vasāma. Haññāmāti hanissāma mayampi vivaṇṇaṃ karissāma. Idañcidāni pucchāmāti idāni mayaṃ kena kāraṇena ayaṃ maṇi kilisiyamāno vodāyateti idaṃ taṃ pucchāma. Kiṃ kiccaṃ idha maññasīti imasmiṃ atthe tvaṃ imaṃ kiccaṃ kinti maññasi.

Atha nesaṃ ācikkhanto bodhisatto tatiyaṃ gāthamāha

ayaṃ maṇi veḷuriyo akāco vimalo subho

nāssa sakkā siriṃ hantuṃ apakkamatha sūkarāti.