Tattha kapitthanāti pilakkhū. Ehi nikkhammāti ete udumbarādayo phalabhārena cittā ahampi khāditvā suhito āgato tvampi gaccha bhuñjassūti.

Sopi tassa vacanaṃ sutvā saddahitvā phalāphalāni khāditukāmo hutvā nikkhamitvā tattha tattha vicaritvā kiñci alabhanto puna āgantvā taṃ attano dariyaṃ pavisitvā nisinnaṃ disvā vañcissāmi nanti tassa purato ṭhatvā dutiyaṃ gāthamāha

evaṃ so suhito hoti yo vuḍḍhamapacāyati

yathāhamajja suhito dumapakkāni māsitoti.